WELINGAN

weling wilang walang wulung,
ojo mulung yen durung etung,
datan wurung tanpa untung,
antuk alang datan gemang,
amung sungsang den perang,
tan supe mring HYANG WENANG

KEWUHAN

winih wanuh nemah tuwuh,
tetuwuhe ngremboko uwoh ewuh,
pakewuh nadyan demen weruh,
lega legane lamun kaweruh,
tumrecep kadyo ketiban warih,
tirtaning wening tuge batih,
ngarih-arih antuk kardine karya,
kinaryo mbombong aneng rasa,
ngarasa aras arum puspo,
sekare maharANI aMURti DYAh heNING SIH

KEKES ing KALBU

ratri tengah ing ndhalu
sepi hawa sepa ing kalbu
riwis-riwis udan gerimis
hanenambah rasaning miris
ngakeb-akeb mbakone klembak
pinangka japa ati kang babak
ratri tengah ing wengi
riwis-riwis durung kersa mari
samsaya kekes samsaya deres
rasane kalbu tambah ngeres.....

GEGANTILAN ing ATI

taman sari karang menang
kayom witing jambe yo witing PUCANG
hayom hayem karem sinawang
katon wening tirtane SENDANG
nora lamis iku kang sayekti
yen digunggung amung saketi
pancen edhi anglamlami
ngatonake kaMURYARYANe nagari
kinarya KARDIne pra winasis
kaEKA NAWAla DESTYAning raTRI
karana pamujine mring gusti
memper kasuwargane sang dewi
yo maharANI haMURti DYAh heNING SIH

PRAKARA
prakara kang dadi prahara
sanadyan cilik bisa ngambra-ambra
karana lathi tumekane pati
amarga lambe dadi gawe
janma iku tinitah linuwih
amung mangsa kala kadyo sato
malah kapara angungkuli

ono candake.........

 SUGESTI KEAJAIBAN
sang Hyang Wenang ngaripta jagad uga sak isine maneka warna jenis lan wujude,kabeh mau obah owahe miturut naluri uga kebiasaan pinongko panguripanne,ing dalan uripe nggadang tumibane KEAJAIBAN tansah tumiba marang pribadine,samono uga sato omnivora siji iki kang aran MANUNGSA,ing SUGESTIne pangarep-arepe keajaiban mau moro teka marang pribadine mbuh lagi susah utawa bungah,lamun kabeh mau SAYEKTIne amung ALLAH kang mangerteni
maharANI haMURti DYAh heNING SIH
kardi wuragil pamungkas karya

PANJANGKAMU
angalangut lamun sinawang sayekti
nora karasa wus pirang-pirang warsa
lumaku ing pestine karepMU
titah amung janma sawantah
tan owah sanadyan polah
tinandur becik nora kawistara
tuwuh olo kadawa-dawa
karana rewang karsane ilang
karana lathi tresnane suri
tumrecep driya tumetesing mbun
tumibo karoning kawit jambe
arum sekar kembange pucang
bebungahe aneng njeron kalbu
lamun weruh tan wani ngunduh
mugi Hyang Widi kersa paring pituduh

maharANI haMURti DYAh heNING SIH
KARDI wuragil pamungkase karya